നിഴൽ

വിജനമാം പാതയിലൂടെ നടന്നു ഞാൻ നീങ്ങവേ

എൻറെ സഹചാരിയായ് കൂടെ നീയുണ്ട്

എവിടേക്കോ എന്തിനോ എന്ന ചോദ്യശരമില്ലാതെ

എന്നും എന്നോടൊപ്പം നീ മാത്രം..

ഞാനില്ലെങ്കിലോ നീയും ശൂന്യം

എനിക്കായ് കാത്തു നിൽപതു നീ മാത്രം

ബന്ധങ്ങൾ തൻ ബന്ധനങ്ങൾ വേർപെടുമ്പോഴും

കൈവിടാതെ എന്നും കൂട്ടിരിക്കുന്നു നീ..

ഒരു വേള ഞാൻ എന്ന സത്യം

വെറുമൊരു മിഥ്യയായി നീറിടുമ്പോൾ

എന്നിലെ ഞാനായ് കൂടെയൊഴിയുന്നു

എൻറെ നിഴലെന്ന ഉറ്റ തോഴൻ..